കോട്ടയം: പുതുപ്പള്ളി ഉപതെരഞ്ഞെടുപ്പ് പ്രചാരണം അവസാന ഘട്ടത്തിലേക്ക്. മുഖ്യമന്ത്രി പിണറായി വിജയന്‍ എല്‍ഡിഎഫ് പ്രചാരണത്തിനായി ഇന്ന് മണ്ഡലത്തില്‍ എത്തും. മീനടം, മണര്‍കാട്, കൂരോപ്പട എന്നീ പഞ്ചായത്തുകളിൽ നടക്കുന്ന തെരഞ്ഞെടുപ്പ് യോഗത്തിൽ മുഖ്യമന്ത്രി  പങ്കെടുക്കും.

പുതുപ്പള്ളി പോളിങ് ബൂത്തിലേക്ക് എത്താന്‍ ഇനി ഒരാഴ്ച ബാക്കിനില്‍ക്കെ വന്‍ സന്നാഹങ്ങളോടെയാണ് മുന്നണികളുടെ അവസാനവട്ട തെരഞ്ഞെടുപ്പ് പ്രചാരണം. ഓണാവധി കഴിഞ്ഞ് തിരികെയെത്തുന്ന എംഎല്‍എമാര്‍ അടക്കം ഒരു ദിവസത്തെ ഇടവേളയ്ക്ക് ശേഷം ഇന്ന് മുതല്‍ പ്രചാരണ പരിപാടികളില്‍ സജീവമാകും.

യുഡിഎഫിന് വേണ്ടി പ്രതിപക്ഷ നേതാവ് വിഡി സതീശന്‍ ഇന്ന് മണ്ഡലത്തില്‍ തിരിച്ചെത്തും. കേന്ദ്ര മന്ത്രി രാജീവ് ചന്ദ്ര ശേഖറും അനില്‍ ആന്റണിയും എന്‍ഡിഎ സ്ഥാനാര്‍ത്ഥിക്കായ് ഇന്നിറങ്ങും.

ഈ വാർത്ത കൂടി വായിക്കൂ 

കുളനടയില്‍ ജീപ്പ് നിയന്ത്രണം വിട്ട് കെഎസ്ആര്‍ടിസി ബസില്‍ ഇടിച്ചു; രണ്ടു മരണം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ