പത്തനംതിട്ട: ശബരിമലയില്‍ മണ്ഡലകാല തീര്‍ഥാടനത്തിന് സമാപനം കുറിച്ച് ഇന്ന് മണ്ഡല പൂജയാണ്. രാത്രി ഒന്നിന് നട അടയ്ക്കും. മുൻ വർഷത്തെക്കാൾ 4,07,309 പേർ അധികമായി ദർശനത്തിനെത്തി. 32,49,756 പേരാണ് ഡിസംബര്‍ 25 വരെ ശബരിമലയില്‍ ദര്‍ശനം നടത്തിയത്.

തത്സമയ ബുക്കിംഗിലൂടെ 5,66,571 പേര്‍ ദര്‍ശനം നടത്തി. തങ്കയങ്കി സന്നിധാനത്ത് എത്തിയ ദിനം 62,877 പേര്‍ ദര്‍ശനം നടത്തി. പുല്ല് മേട് വഴി ഇത് വരെ 74, 764 പേര്‍ ദര്‍ശനം നടത്തി. കഴിഞ്ഞ വര്‍ഷം പുല്ലുമേട് വഴി 69,250 പേരാണ് ദര്‍ശനം നടത്തിയത്.

ന​ഗരം കീഴടക്കാൻ പാപ്പാമാർ, തൃശൂരിൽ നാളെ ​ഗതാ​ഗത നിയന്ത്രണം, ഡ്രോൺ ചിത്രീകരണത്തിന് നിരോധനം

ഇന്ന് ഹരിവരാസനം പാടി നട അടച്ചാല്‍ ഡിസംബര്‍ 30ന് വൈകിട്ട് 5ന് മകരവിളക്ക് മഹോത്സത്തിനായി നട തുറക്കും. 2025 ജനുവരി 14നാണ് ഈ തവണ മകരവിളക്ക്. ഇന്നലെ വരെയുള്ള 30,87,049 പേരായിരുന്നു സന്നിധാനത്ത് എത്തിയത്.