മണ്ണിടിച്ചില്‍ ദുരന്തമുണ്ടായ കള്ളാടിയില്‍ മൂന്നാം ദിനവും തിരച്ചില്‍ തുടരും. 5 പേരെ ഇനിയും കണ്ടെത്താനായിട്ടില്ല. ഇറാനില്‍ യുഎസ് സേനയുടെ ബോംബാക്രമണം. ആദ്യ ക്വാര്‍ട്ടര്‍ മത്സരങ്ങള്‍ക്കുള്ള ഫിഫ റഫറി പട്ടിക വിവാദത്തില്‍. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

കള്ളാടി ദുരന്തത്തില്‍ കാണാതായവര്‍ക്കായുള്ള തിരച്ചില്‍ ഇന്നും തുടരും. രക്ഷാപ്രവര്‍ത്തനം മൂന്നാം ദിനത്തിലേക്ക് കടക്കുകയാണ്. അഞ്ച് പേരെയാണ് ഇനിയും കണ്ടെത്താനുള്ളത്. ഇന്നലെ നടത്തിയ തിരച്ചിലില്‍ ആരെയും കണ്ടെത്താന്‍ സാധിച്ചിരുന്നില്ല. നാല് സോണുകളിലായാണ് തിരച്ചില്‍ നടത്തുക. പ്രതിപക്ഷനേതാവ് പിണറായി വിജയൻ ഇന്ന് ദുരന്തസ്ഥലമായ കള്ളാടി സന്ദർശിക്കും

ഇറാനുമായുള്ള താല്‍ക്കാലിക സമാധാന കരാര്‍ അവസാനിച്ചതായി യുഎസ് പ്രസിഡന്റ് ഡോണള്‍ഡ് ട്രംപ് പ്രഖ്യാപിച്ചതിന് പിന്നാലെ ഇറാനുനേരെ വ്യാപക വ്യോമാക്രമണം. ബുഷെഹര്‍, ചബഹാര്‍, ബന്ദര്‍ അബ്ബാസ്, സിറിക്, ജാസ്‌ക് എന്നീ തീരദേശ നഗരങ്ങള്‍ക്ക് പുറമെ അബു മൂസ ദ്വീപിനെ ലക്ഷ്യമാക്കിയും യുഎസ് സേന വ്യോമാക്രമണം അഴിച്ചുവിട്ടു. ആക്രമണത്തില്‍ ഇറാന്‍ഷഹര്‍ നഗരത്തില്‍ ഒരാള്‍ കൊല്ലപ്പെട്ടതായി സ്ഥിരീകരിച്ചിട്ടുണ്ട്.

ഓണക്കാലത്തെ കടുത്ത യാത്രാപ്രതിസന്ധി പരിഹരിക്കാന്‍ ചെന്നൈയില്‍ നിന്നും കേരളത്തിന്റെ വിവിധ ഭാഗങ്ങളിലേക്ക് കൂടുതല്‍ സ്‌പെഷ്യല്‍ ട്രെയിന്‍ സര്‍വീസുകള്‍ ദക്ഷിണ റെയില്‍വേ പ്രഖ്യാപിച്ചു. റെയില്‍വേ മന്ത്രി അശ്വിനി വൈഷ്ണവ് രാജ്യത്തുടനീളം 100 ഓളം ഓണം സ്‌പെഷ്യല്‍ ട്രെയിനുകള്‍ പ്രഖ്യാപിച്ചതിന് പിന്നാലെയാണ് ദക്ഷിണ റെയില്‍വേ തങ്ങളുടെ ആദ്യഘട്ട ഷെഡ്യൂളുകള്‍ പുറത്തുവിട്ടത്.

ലോകകപ്പില്‍ ഈജിപ്ത്- അര്‍ജന്റീന മത്സരത്തിലെ റഫറിയിങ്ങിനെതിരെ വിവിധ തരത്തിലുള്ള പ്രതികരണങ്ങള്‍ തുടരുകയാണ്. ഇതിനിടെ ആദ്യ ക്വാര്‍ട്ടര്‍ ഫൈനലിലെ റഫറിമാരുടെ പട്ടികയും വിവാദത്തിലേക്ക്. ഇന്ത്യന്‍ സമയം വെള്ളിയാഴ്ച പുലര്‍ച്ചെ നടക്കുന്ന ഫ്രാന്‍സ് - മൊറോക്കോ ക്വാര്‍ട്ടര്‍ മത്സരം നിയന്ത്രിക്കാനുള്ള റഫറിയിങ് പാനലില്‍ മുഴുവന്‍ അര്‍ജന്റീനക്കാരെയാണ് ഫിഫ ഉള്‍പ്പെടുത്തിയിരിക്കുന്നത്.

ഏറെക്കാലമായി കാത്തിരുന്ന മറുപടി ലഭിക്കാം. വാഹനം സംബന്ധിച്ച ഒരു കാര്യം അനുകൂലമായി തീരും. പുതിയ പരിചയങ്ങൾ ഭാവിയിൽ ഉപകാരപ്പെടും. പ്രതീക്ഷിക്കാത്ത യാത്ര ആവശ്യമാകും. പൂർത്തിയാകാതെ കിടന്ന ഒരു ജോലി വിജയകര മായി അവസാനിപ്പിക്കും. വ്യാപാര ചർച്ചകൾ പ്രതീ ക്ഷിച്ചതിലേറെ ഫലം നൽകും. ക്ഷണിക്കപ്പെട്ട ഒരു ചടങ്ങിൽ പങ്കെടുക്കാൻ അവസരം ലഭിക്കും.