കോഴിക്കോട് : ലൈംഗിക ചുവയോടെ സംസാരിച്ചുവെന്ന ജൂനിയര് ആര്ട്ടിസ്റ്റിന്റെ പരാതിയില് പ്രതികരണവുമായി സുധീഷ്. ജൂനിയര് ആര്ടിസ്റ്റായ നടിയുടെ ആരോപണത്തില് വിശദമായി മറുപടി പറയും. ചില കാര്യങ്ങള് തുറന്ന് പറയാനുണ്ട്. ഇപ്പോള് വിശദീകരണം നല്കാന് പരിമിതിയുണ്ട്. വൈകാതെ എല്ലാം കാര്യങ്ങളെക്കുറിച്ചും സംസാരിക്കും സുധീഷ് വിശദീകരിച്ചു.
തെറ്റ് ചെയ്തിട്ടുണ്ടെങ്കില് ആരായാലും ശിക്ഷിക്കപ്പെടട്ടേയെന്നായിരുന്നു ഹേമ കമ്മിറ്റി റിപ്പോര്ട്ടിലെ ആരോപണങ്ങളെ കുറിച്ചുളള സുധീഷിന്റെ പ്രതികരണം. കോഴിക്കോട് സ്വദേശിയായ ജൂനിയര് ആര്ട്ടിസ്റ്റ് നല്കിയ പരാതിയിലാണ് ഇടവേള ബാബുവിനും സുധീഷിനും എതിരെയും കേസ് എടുത്തത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ജൂനിയര് ആര്ട്ടിസ്റ്റ് നല്കിയ പരാതിയില് നടക്കാവ് പൊലീസാണ് കേസ് രജിസ്റ്റര് ചെയ്തത്. ഒരുമിച്ച് യാത്ര ചെയ്യാം ടൂറ് പോകാമെന്ന് പറഞ്ഞ് സുധീഷ് തന്നെ ഫോണില് വിളിച്ചുവെന്നാണ് നടിയുടെ ആരോപണം. സിനിമാരംഗത്തെ ലൈംഗിക ആരോപണങ്ങള് അന്വേഷിക്കുന്ന പ്രത്യേക അന്വേഷണ സംഘം യുവതിയുടെ മൊഴിയെടുക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates