കാസര്‍കോട് : ഭിന്നശേഷിക്കാരിയായ 17 കാരിയെ പീഡിപ്പിച്ച സംഭവത്തില്‍ ബേക്കല്‍ പൊലീസെടുത്ത കേസില്‍ അഞ്ചാം പ്രതിയും അറസ്റ്റില്‍. പെരിയ ചെറക്കാപ്പാറയിലെ ഷഹീദ് ( 35) ആണ് അറസ്റ്റിലായത്. 16 കാരന്‍ ഉള്‍പ്പെടെ നാല് പ്രതികള്‍ നേരത്തെ അറസ്റ്റിലായിരുന്നു.
ശനിയാഴ്ച പുലര്‍ച്ചെ വീടിനു പരിസരത്തു നിന്നാണ് ഷഹീദിനെ പൊലീസ് പിടികൂടിയത്. പെണ്‍കുട്ടിക്കും പ്രതിയെ വ്യക്തമായിഅറിയില്ലായിരുന്നു. പെണ്‍കുട്ടിയെ ഫോണില്‍ വിളിച്ചതു കണ്ടെത്തിയതോടെയാണ് ഇയാള്‍ കുടുങ്ങിയത്.
17 കാരിയെ വിവിധ സ്ഥലങ്ങളില്‍ എത്തിച്ച് മാറി മാറി പീഡിപ്പിച്ചെന്നാണ് കേസ്. പോക്‌സോകേസില്‍ ആദ്യം അറസ്റ്റിലായ മൂന്നുപേര്‍ റിമാന്റിലാണ്. കഴിഞ്ഞയാഴ്ച പിടിയിലായ 16 കാരന്‍ ജൂവനൈല്‍ കസ്റ്റഡിയിലാണ്.
ബേക്കല്‍ ഇന്‍സ്‌പെക്ടര്‍ എന്‍ കെ അനില്‍കുമാര്‍, എഎസ്‌ഐ പി വി രാജേഷ്‌കുമാര്‍ സീനിയര്‍ സിവില്‍ സാജന്‍ പൊലീസ് ഓഫീസര്‍ എന്നിവരുടെ നേതൃത്വത്തിലാണ് ഷഹീദിനെ കസ്റ്റഡിയിലെടുത്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates