തൃശൂര്: കോളജ് പ്രിന്സിപ്പലിന്റെ കാല് തല്ലിയൊടിക്കുമെന്ന് എസ്എഫ്ഐ ജില്ലാ സെക്രട്ടറിയുടെ ഭീഷണി. തൃശൂര് ജില്ല ജില്ലാ സെക്രട്ടറിയ്ക്ക് എതിരെയാണ് മഹാരാജാസ് ടെക്നിക്കല് ഇന്സ്റ്റിറ്റിയട്ട് പ്രിന്സിപ്പല് പരാതി നല്കിയത്. പരാതിയില് ജില്ലാ സെക്രട്ടറിയടക്കം ആറ് പേര്ക്കെതിരെ കേസ് എടുക്കുമെന്ന് പൊലീസ് അറിയിച്ചു.
കഴിഞ്ഞ ദിവസമാണ് സംഭവം. എസ്എഫ്ഐ ജില്ലാ സെക്രട്ടറി ഉള്പ്പടെ പ്രിന്സിപ്പലിന്റെ ഓഫീസില് മുറിയില് കയറി കാല് തല്ലിയൊടിക്കുമെന്ന് ഭീഷണിപ്പെടുത്തിയതായി പൊലീസില് നല്കിയ പരാതിയില് പറയുന്നു. ഇതിന്റെ സിസി ടിവിദൃശ്യങ്ങളും പ്രിന്സിപ്പല് പൊലീസിന് കൈമാറിയിട്ടുണ്ട്.
കഴിഞ്ഞ ദിവസം കോളജില് തൊപ്പി ധരിച്ചെത്തിയ ഒരു വിദ്യാര്ഥിയെ ഒരു അധ്യാപകന് മര്ദ്ദിച്ചിരുന്നു. ഇതിന്റെ അടിസ്ഥാനത്തില് ആ അധ്യാപകന് മാപ്പുപറയണമെന്നാവശ്യപ്പെട്ട് എസ്എഫ്ഐ സമരം സംഘടിപ്പിക്കുകയും ചെയ്തിരുന്നു. അതിന് പിന്നാലെയാണ് എസ്എഫ്ഐ ജില്ലാ സെക്രട്ടറി ഉള്പ്പടെ ആറ് പേര് പ്രിന്സിപ്പിലിന്റെ മുറിയിലെത്തിയത്. എന്നാല് സംഭവം നടന്ന് ദിവസങ്ങള്ക്ക് ശേഷമാണ് പ്രിന്സിപ്പല് പരാതി നല്കിയത്. സിസി ടിവി ദൃശ്യങ്ങളില് കാല് തല്ലിയൊടിക്കുമെന്ന് എസ്എഫ്ഐ ജില്ലാ സെക്രട്ടറി വ്യക്തമായി പറയുന്നത് വീഡിയോയില് ഉണ്ടെന്ന് പ്രിന്സിപ്പല് പറഞ്ഞു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates