തിരുവനന്തപുരം: സംസ്ഥാനത്തെ എയിഡഡ് സ്കൂളുകളില് അധ്യാപക നിയമനത്തിന് യോഗ്യത പരീക്ഷ നടത്തുമെന്ന സൂചന നല്കി വിദ്യാഭ്യാസമന്ത്രി വി ശിവന്കുട്ടി. ഇത് സംബന്ധിച്ച തീരുമാനം പരിഗണനയിലാണെന്ന് മന്ത്രി ഫെയ്സ്ബുക്കില് കുറിച്ചു. വിവാദമായതോടെ പിന്നീട് മന്ത്രി പോസ്റ്റ് പിന്വലിച്ചു.
ഓരോ കുട്ടിയ്ക്കും ഗുണമേന്മാ വിദ്യാഭ്യാസം ഉറപ്പുവരുത്താന് ഈ നടപടിയിലൂടെ കഴിയുമെന്നാണ് പ്രതീക്ഷിക്കുന്നതെന്ന് മന്ത്രിയുടെ കുറിപ്പില് പറയുന്നു. നേരത്തെ വിഎസ് അച്യുതാനന്ദന് സര്ക്കാരിന്റെ കാലത്ത് വിദ്യാഭ്യാസമന്ത്രിയായ എംഎ ബേബി ഇത്തരം നടപടികള് സര്ക്കാര് സ്വീകരിക്കുമെന്ന് പറഞ്ഞതിന് പിന്നാലെ രണ്ടാം വിമോചന സമരം സംഘടിപ്പിക്കുമെന്ന് മതസംഘടനകള് വ്യക്തമാക്കിയിരുന്നു.
മന്ത്രിയുടെ കുറിപ്പ്
സംസ്ഥാനത്തെ എയിഡഡ് സ്കൂളുകളില് നിയമനം നടത്താനുള്ള അധികാരം മാനേജ്മെന്റുകള്ക്ക് ആണെങ്കിലും അപ്പോയിന്റ്മെന്റിന് മുന്പ് ഒരു പ്രവേശന ടെസ്റ്റ് നടത്തുന്നത് സംബന്ധിച്ചുള്ള കാര്യം സര്ക്കാരിന്റെ പരിഗണനയിലാണ്. ഓരോ കുട്ടിയ്ക്കും ഗുണമേന്മാ വിദ്യാഭ്യാസം ഈ നടപടിയിലൂടെ കഴിയുമെന്നാണ് പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates