കൊച്ചി: അന്തരിച്ച ​ഗായിക മഞ്ജുഷ മോഹൻദാസിന്റെ അച്ഛൻ വാഹനാപകടത്തിൽ മരിച്ചു. സ്കൂട്ടറിൽ പിക്കപ്പ് വാൻ ഇടിച്ചുണ്ടായ അപകടത്തിലാണ് മരണം. പെരുമ്പാവൂർ പുല്ലുവഴിയിൽ വച്ചായിരുന്നു അപകടം. 

മഞ്ജുഷയുടെ മരണത്തിനിടയാക്കിയ അതേ സ്കൂട്ടറിൽ സഞ്ചരിക്കവേയായിരുന്നു അച്ഛനും അപകടത്തിൽപ്പെട്ടത്. മൂന്ന് വർഷം മുൻപാണ് ​ഗായികയും നർത്തകിയുമായ മഞ്ജുഷ വാഹനാപകടത്തിൽ മരിച്ചത്. സ്കൂട്ടറിൽ മിനിലോറിയിടിച്ചാണ് അന്ന് അപകടമുണ്ടായത്. ​26 വയസ്സായിരുന്നു അന്ന് മഞ്ജുഷയ്ക്ക്. റിയാലിറ്റി ഷോയിലൂടെയാണ് മഞ്ജുഷ ശ്രദ്ധ നേടിയത്.