തിരുവനന്തപുരം: സംസ്ഥാനത്ത് തീവ്ര വോട്ടര്പട്ടിക പരിഷ്കരണത്തിന്റെ (എസ്ഐആര്) ഭാഗമായി അന്തിമ വോട്ടര്പട്ടിക പ്രസിദ്ധീകരിച്ചു. ഒക്ടോബറില് പ്രസിദ്ധീകരിച്ച പട്ടികയില് 2.78 കോടി വോട്ടര്മാരാണ് ഉണ്ടായിരുന്നത്. എസ്ഐആര് ഹിയറിങ് ഉള്പ്പെടെ പൂര്ത്തിയായി ഇന്ന് പുറത്തുവിട്ട അന്തിമ പട്ടികയില് ആകെ 2,69,53,644 വോട്ടര്മാരാണുള്ളത്. പട്ടികയില് 9,06,211 പേര് പേര് പുറത്തായി. അന്തിമ പട്ടികയിൽ വോട്ടുണ്ടോയെന്ന് അറിയാൻ സന്ദർശിക്കുക: https://electoralsearch.eci.gov.in/.
കരട് പട്ടികയില്നിന്ന് 53,229 പേരെ ഒഴിവാക്കിയിട്ടുമുണ്ട്. പട്ടികയില് നിന്ന് മരണപ്പെട്ടവര്, വിദേശ പൗരത്വം സ്വീകരിച്ചര് എന്നിവര് ഉള്പ്പെടെയാണ് ഒഴിവാക്കുന്നതെന്ന് മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് ഇന്നലെ പറഞ്ഞിരുന്നു. പുതിയ പട്ടികയില് ആകെ 2,69,53,644 വോട്ടര്മാരാണ് ഉണ്ടാകുക. പുരുഷന്മാര് - 1,31,26,048, സ്ത്രീകള് - 1,38,27,319, ട്രാന്സ്ജെന്ഡര്മാര് - 277, പ്രവാസികള്- 2,23,558 എന്നിങ്ങനെയാണ് പട്ടികയിലുള്പ്പെട്ടവരുടെ കണക്ക്. 4,24,518 പുതിയ വോട്ടര്മാരും അന്തിമ പട്ടികയിലുണ്ടാകുമെന്നും മുഖ്യ തെരഞ്ഞെടുപ്പ് ഓഫീസര് അറിയിച്ചിരുന്നു.
സംസ്ഥാനത്ത് എസ്ഐആര് കരട് പട്ടിക ഡിസംബറിലാണ് പ്രസിദ്ധീകരിച്ചത്. കരട് വോട്ടര് പട്ടികയില് പരാതികള് സ്വീകരിച്ച് ഹിയറിങ് നടപടികള് പൂര്ത്തിയാക്കിയ ശേഷമാണ് അന്തിമ പട്ടിക തയാറാക്കിയത്. ഡിസംബര് 23ന് പ്രസിദ്ധീകരിച്ച കരട് വോട്ടര് പട്ടികയില് 2,54,42,352 വോട്ടര്മാരാണുണ്ടായിരുന്നത്. 24.08 ലക്ഷം പേര് പട്ടികയില് നിന്ന് പുറത്തായതായിരുന്നു. ആകെ 2,78,50,856 വോട്ടര്മാരാണ് കരട് പട്ടികയില് ഉണ്ടായിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates