തൃശൂർ: വരടിയത്ത് റോഡരികിലെ കാനയിൽ വലയിൽ കുരുങ്ങി ​ഗുരുതരമായി പരിക്കേറ്റ മൂർഖൻ പാമ്പിനെ രക്ഷപ്പെടുത്തി. ഒരാഴ്‌ചയാണ് പാമ്പ് വലയിൽ കുടുങ്ങി കിടന്നത്. വഴിയാത്രക്കാരനാണ് ഇക്കാര്യം വനവകുപ്പിനെ അറിയിച്ചത്. തുടർന്ന് സർപ്പ വളണ്ടിയർമാരെത്തി പാമ്പിനെ തൃശൂരിലെ കൊക്കാലെ വെറ്റിനറി ആശുപത്രിയിൽ പ്രവേശിപ്പിച്ചു. 

വലയിൽ കുടുങ്ങി ​ഗുരുതരമായി പരിക്കേറ്റ് പാമ്പിന്റെ എല്ലുകൾ പുറത്തേക്ക് വന്ന അവസ്ഥയിലായിരുന്നു. എക്‌സ്‌റേയിൽ എല്ലുകൾക്ക് പൊട്ടലുള്ളതായി കണ്ടെത്തി. നിലവില്‍ അപകടനില തരണം ചെയ്തതായും മുറിവ് ഉണങ്ങാൻ ഒരു മാസത്തെ വിശ്രമം ആവശ്യമാണെന്നും ഡോക്ടർമാർ അറിയിച്ചു. പാമ്പ് ഇപ്പോൾ വനം വകുപ്പിന്റെ നിരീക്ഷണത്തിലാണ്.

ഈ വാര്‍ത്ത കൂടി വായിക്കൂ

ആദിവാസി യുവാവിന്റെ ആത്മഹത്യ; ആൾക്കൂട്ട വിചാരണ നടന്നിട്ടില്ലെന്ന് ക്രൈം ബ്രാഞ്ച് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ