തിരുവനന്തപുരം: വടക്കഞ്ചേരി അപകടത്തില് കെഎസ്ആര്ടിസി ഡ്രൈവറുടെ ഭാഗത്തും വീഴ്ചയുണ്ടായെന്ന് കണ്ടെത്തല്. അമിത വേഗത്തിലായിരുന്ന കെഎസ്ആര്ടിസി ബസ് പെട്ടെന്ന് വേഗത കുറയ്ക്കുകയും നടുറോഡില് നിര്ത്തുകയും ചെയ്തത് അപകടത്തിന്റെ തീവ്രത കൂട്ടിയെന്ന് നാറ്റ്പാക് അന്വേഷണ റിപ്പോര്ട്ടില് പറയുന്നു.
അപകടത്തിന്റെ പ്രാഥമിക ഉത്തരവാദി ടൂറിസ്റ്റ് ബസ് ഡ്രൈവര് തന്നെയാണ്. കെഎസ്ആര്ടിസി ബസിനും ടൂറിസ്റ്റ് ബസിനും ഇടയിലുണ്ടായിരുന്ന കാറിന്റെ ഭാഗത്തും വീഴ്ചയുണ്ടായെന്നും റിപ്പോര്ട്ടില് പറയുന്നു.
അമിതവേഗത്തില് പോകേണ്ട ട്രാക്കിലൂടെ കാര് സഞ്ചരിച്ചത് 50 കിലോമീറ്റര് വേഗതയിലാണ്. ദേശീയപാതയില് വഴിവിളക്കുകളും റിഫ്ലെക്ടറുകളും ഇല്ലാത്തതും അപകടത്തിന് വഴിവച്ചെന്ന് റിപ്പോര്ട്ടില് പറയുന്നു.
ഒക്ടോബര് ആറിന് രാത്രിയാണ് വടക്കഞ്ചേരിയില് അപകടമുണ്ടായത്. സ്കൂളില് നിന്ന് വിനോദയാത്ര സംഘം സഞ്ചരിച്ച ടൂറിസ്റ്റ് ബസ് കെഎസ്ആര്ടിസി ബസിന് പിന്നില് ഇടിക്കുകയായിരുന്നു. സംഭവത്തില് വിദ്യാര്ത്ഥികള് അടക്കം 9പേര് മരിച്ചിരുന്നു.
ഈ വാര്ത്ത കൂടി വായിക്കൂ മ്യൂസിയത്തില് യുവതിയെ ആക്രമിച്ചയാള് ഉയരമുള്ള ശാരീരികക്ഷമതയുള്ളയാള്, കുറവന്കോണത്ത് മറ്റൊന്ന്; പൊലീസ്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates