തൊടുപുഴ: ഇടുക്കിയിൽ  സൈക്കിൾ മറിഞ്ഞ് വിദ്യാർഥി മരിച്ചു. ഉദയഗിരി കൂനംമാക്കൽ ബേബിയുടെ മകൻ എബിൻ ജോസഫ് ബേബി (10) ആണ് മരിച്ചത്. ഉദയഗിരി സെന്‍റ്​ മേരീസ് യു പി സ്കൂളിൽ അഞ്ചാം ക്ലാസ് വിദ്യാർഥിയാണ്. ബേബിയുടെയും മഞ്ചുവിന്‍റെയും ഏക മകനാണ് എബിൻ.

 ഇടുക്കി പ്രകാശിൽ വ്യാഴാഴ്ച ഉച്ചയ്ക്ക് 12.30നാണ് സംഭവം. സൈക്കിളുമായി വെളിയിലിറങ്ങിയ എബിൻ നിയന്ത്രണം വിട്ട് പുതുതായി നിർമിച്ച മൊബൈൽ ടവറിന്‍റെ സംരക്ഷണ വേലിയിലേക്ക്​ വീഴുകയായിരുന്നു.

തലക്കും മുഖത്തും ഗുരുതരമായി പരിക്കേറ്റ എബിനെ ഉടൻ തന്നെ കട്ടപ്പനയിലെ സ്വകാര്യ ആശുപത്രിയിലെത്തിച്ചു. പരിക്ക് ​ഗുരുതരമായതിനാൽ വിദ​ഗ്ധ ചികിത്സയ്ക്കായി തൊടുപുഴയിലേക്ക് കൊണ്ടുപോയി. യാത്രാമധ്യേ കുട്ടിക്ക് മരണം സംഭവിക്കുകയായിരുന്നു.