കോഴിക്കോട്: റോഡരികിൽ നിന്നുകിട്ടിയ ഒരുലക്ഷം രൂപ ഉടമസ്ഥനെ തിരിച്ചേൽപ്പിച്ച് വിദ്യാർഥി. വടകര സ്വദേശികളായ ഷൈമയുടെയും ബാബുവിന്റെയും മകൻ ജിതിനാണ് നഷ്ടപ്പെട്ട പണം ഉടമസ്ഥന് നൽകിയത്. 

ചെക്കോട്ടി ബസാറിനു സമീപത്തുനിന്ന്‌ കിട്ടിയ പൊതി തുറന്നുനോക്കിയപ്പോഴാണ് ജിതിൻ പണം കണ്ടത്. അമ്മയോടും അച്ഛനോടും കാര്യം പറഞ്ഞതിന് പിന്നാലെ ഇവർ ചെക്കോട്ടി ബസാർ ടൗണിൽ വിവരമറിയിച്ചു. പണം നഷ്ടപ്പെട്ട ആര്യന്നൂർ സ്വദേശി ചെക്കോട്ടിബസാറിലെത്തി തിരയുന്നതിനിടെ പണം ജിതിന് കിട്ടിയെന്ന് വിവരമറിഞ്ഞു. ഇയാൾ ജിതിന്റെ വീട്ടിലെത്തി പണം കൈപറ്റുകയായിരുന്നു.