തിരുവനന്തപുരം: ലോക്സഭാ തെരഞ്ഞെടുപ്പിൽ വോട്ടര് പട്ടികയില് പേര് ചേർക്കുന്നതിനുള്ള സമയപരിധി ഇന്ന് അവസാനിക്കും. നാമനിര്ദേശ പത്രിക സമര്പ്പിക്കാനുള്ള അവസാന തീയതിയുടെ പത്തുദിവസം മുൻപു വരെയാണ് വോട്ടര് പട്ടികയില് പേര് ചേര്ക്കാന് അവസരം ലഭിക്കുന്നത്.
18 വയസ് തികഞ്ഞ ഏതൊരു ഇന്ത്യന് പൗരനും തെരഞ്ഞെടുപ്പ് കമ്മിഷന്റെ പോര്ട്ടല് വഴിയോ, വോട്ടര് ഹെല്പ് ലൈന് ആപ് ഉപയോഗിച്ചോ, ബൂത്ത് ലെവല് ഓഫീസര്മാര് വഴിയോ വോട്ടര് പട്ടികയില് പേര് ചേര്ക്കാം. രണ്ടാംഘട്ട തെരഞ്ഞെടുപ്പ് നടക്കുന്ന കേരളത്തിൽ ഏപ്രിൽ 4ന് ആണ് നാമനിർദ്ദേശ പത്രിക നൽകുന്നതിനുള്ള അവസാന തീയതി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
വോട്ടർ പട്ടികയിൽ പേര് ചേർക്കേണ്ട രീതി
തെരഞ്ഞെടുപ്പ് കമ്മിഷന്റെ പോര്ട്ടല് വഴി അപേക്ഷിക്കുന്നവര് voters.eci.gov.in/signup എന്ന ലിങ്കില് പ്രവേശിച്ച് മൊബൈല് നമ്പര് നല്കി പുതിയ അക്കൗണ്ട് സൃഷ്ടിച്ച് ലോഗിന് ചെയ്യണം. അപേക്ഷകര്ക്ക് ഇംഗ്ലീഷിലോ മലയാളത്തിലോ അപേക്ഷയുടെ എന്ട്രികള് പൂരിപ്പിക്കാന് കഴിയും.
ന്യൂ രജിസ്ട്രേഷന് ഫോര് ജനറല് ഇലക്ടേഴ്സ് എന്ന ഒപ്ഷന് തുറന്ന് (പുതുതായി വോട്ട് ചേര്ക്കുന്നവര്ക്കുള്ള ഫോം 6) സംസ്ഥാനം, ജില്ല, പാര്ലമെന്റ്, നിയമസഭാ മണ്ഡലങ്ങള് എന്നിവയുടെ പേര്, വ്യക്തിഗത വിവരങ്ങള്, ഇ മെയില് ഐഡി, ജനനത്തീയതി, വിലാസം തുടങ്ങിയ വിവരങ്ങള് നല്കി പാസ്പോര്ട്ട് സൈസ് ഫോട്ടോ കൂടി അപ്ലോഡ് ചെയ്ത് വേണം അപേക്ഷ സമര്പ്പിക്കണം.
ആധാര് കാര്ഡ് ലഭ്യമല്ലെങ്കില് മറ്റ് രേഖകള് അപ്ലോഡ് ചെയ്യണം. തുടര്ന്ന് അധികൃതരുടെ പരിശോധനക്ക് ശേഷം പട്ടികയില് പേര് ഉള്പ്പെടുത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates