മലപ്പുറം: ഓടിക്കൊണ്ടിരുന്ന മിനി വാൻ കത്തി നശിച്ചു. മേലാറ്റൂർ- പെരിന്തൽമണ്ണ റോഡിൽ വെങ്ങൂരിലാണ് സംഭവം. പെയിന്റുമായി പോകുകയായിരുന്ന വാനാണ് കത്തി നശിച്ചത്. 

പുക ഉയരുന്നതു കണ്ട ഉടൻ തന്നെ ഡ്രൈവർ പുറത്തിറങ്ങി. അതിനാൽ വലിയ ദുരന്തമാണ് ഒഴിവായത്. ഷോർട്ട് സർക്യൂട്ടാണ് അപകടത്തിനിടയാക്കിയത് എന്നാണ് പ്രാഥമിക നി​ഗമനം.

പെയിന്റുൾപ്പെടെയുള്ള സാധനങ്ങളായതിനാൽ തീ ആളിക്കത്തി. വാൻ പൂർണമായും കത്തി നശിച്ചു. ഇന്ന് ഉച്ചയോടെയാണ് അപകടം. പെരിന്തൽമണ്ണയിൽ നിന്നു ഫയർ യൂണിറ്റെത്തി തീയണച്ചു. 

ഈ വാർത്ത കൂടി വായിക്കൂ 

'സര്‍ക്കാര്‍ സംവിധാനങ്ങള്‍ ശ്രദ്ധിക്കാതെ പോകുന്ന സങ്കടങ്ങള്‍'; നവകേരള സദസിലെത്തി നന്ദി പറഞ്ഞ് പെണ്‍കുട്ടി 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ