തിരുവനന്തപുരം: സംസ്ഥാനത്ത് റേഷന്‍ കടകളുടെ പ്രവര്‍ത്തന സമയം മാറ്റിയിട്ടില്ലെന്ന് ഭക്ഷ്യ വകുപ്പ് മന്ത്രി പി തിലോത്തമന്‍. റേഷന്‍ കടകളുടെ പ്രവര്‍ത്തന സമയം കുറയ്ക്കുന്നത് കടകളിലെ തിരക്ക് കൂട്ടുമെന്നുള്ളതിനാല്‍, സംസ്ഥാനത്തെ റേഷന്‍ കടകളുടെ നിലവിലെ പ്രവര്‍ത്തന സമയം മാറ്റിയിട്ടില്ലെന്ന് അദ്ദേഹം ഫെയ്‌സ്ബുക്കിലൂടെ അറിയിച്ചു. നിലവില്‍ രാവിലെ 9മുതല്‍ ഒരുമണിവരെയും വൈകുന്നേരം 3മുതല്‍ ഏഴുമണിവരെയുമാണ് റേഷന്‍ കടകളുടെ പ്രവര്‍ത്തന സമയം. 

കോവിഡ് വ്യാപുനം കണക്കിലെടുത്ത് റേഷന്‍ കടകള്‍ വൈകുന്നേരം അഞ്ചുമണിക്ക് അടയ്ക്കുമെന്ന് റേഷന്‍ വ്യാപാരി സംഘടനകളുടെ സംയുക്ത സമിതി അറിയിച്ചിരുന്നു. രാവിലെ 9മുതല്‍ ഉച്ചയ്ക്ക് ഒന്നുവരെയും രണ്ടുമുതല്‍ വൈകുന്നേരം അഞ്ചുവരെയും പ്രവര്‍ത്തിക്കും എന്നായിരുന്നു സമിതിയുടെ അറിയിപ്പ്.