അഗളി: കാട്ടാനയുടെ ആക്രമണത്തിൽ അട്ടപ്പാടിയിൽ യുവാവ് കൊല്ലപ്പെട്ടു. പുതൂർ പഞ്ചായത്തിലെ ഇലച്ചിവഴിക്കടുത്ത് മുതലത്തറയിൽ രാമദാസ് (45) ആണ് മരിച്ചത്. വെള്ളിയാഴ്ച രാത്രി ഒൻപതരയോടെയാണ് സംഭവം. 

പുഴയിൽനിന്നും വെള്ളമെടുത്ത് മടങ്ങുന്നതിനിടയിലാണ് ഒറ്റയാൻ ആക്രമിച്ചത്. ആനയുടെ ചിന്നംവിളി കേട്ട് ഊരിലുള്ളവർ ഓടിയെത്തിയപ്പോഴേക്കും രാമദാസ് മരിച്ചു. 

രാമദാസിന്റെ തല ആന ചവിട്ടിയരച്ചിരുന്നു. വനപാലകരും അഗളി പൊലീസും സ്ഥലത്തെത്തി പരിശോധന നടത്തി. ജൂലൈ 27ന് പ്ലാമരത്തിനടുത്ത് വീട്ടിലെത്തിയ കാട്ടാന വീട്ടമ്മയെ ചവിട്ടിക്കൊന്നിരുന്നു.

ഈ വാര്‍ത്ത കൂടി വായിക്കൂ

'ഒരു രാജ്യം, ഒറ്റപ്പരീക്ഷ'; കേന്ദ്ര നിലപാട് ഗുണത്തേക്കാളേറെ ദോഷം സൃഷ്ടിക്കും: മുന്നറിയിപ്പുമായി മുഖ്യമന്ത്രി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ