തിരുവനന്തപുരം: തിരുവനന്തപുരം- നാഗര്‍കോവില്‍ പാതയില്‍ നാളെ നാലു ട്രെയിനുകള്‍ റദ്ദാക്കി. കൊല്ലം- തിരുവനന്തപുരം (06425), നാഗര്‍കോവില്‍- തിരുവനന്തപുരം(06426), തിരുവനന്തപുരം- നാഗര്‍കോവില്‍ (06427), തിരുവനന്തപുരം- നാഗര്‍കോവില്‍ (06435) എക്‌സ്പ്രസ് ട്രെയിനുകളാണ് റദ്ദാക്കിയത്. 17 ട്രെയിനുകള്‍ ഭാഗികമായും റദ്ദാക്കിയിട്ടുണ്ട്. 

ആന്ധ്രപ്രദേശില്‍ തുടര്‍ച്ചയായി കനത്ത മഴ പെയ്തതോടെ കേരളത്തിലൂടെ ഓടുന്ന എട്ട് സര്‍വീസുകള്‍ ഇന്ന് റദ്ദാക്കിയിട്ടുണ്ട്. മൂന്നു ട്രെയിനുകള്‍ വഴിതിരിച്ചുവിട്ടു.തുടര്‍ച്ചയായ മഴയില്‍ ട്രെയിന്‍ ഗതാഗതം തടസ്സപ്പെട്ടതിനെ തുടര്‍ന്നാണ് നടപടി. വിജയവാഡ, ഗുണ്ടക്കല്‍ റെയില്‍വേ ഡിവിഷന്‍ പരിധിയില്‍ നിരവധി പാതകള്‍ വെള്ളത്തിലായതിനെ തുടര്‍ന്നാണ് ട്രെയിന്‍ ഗതാഗതം തടസപ്പെട്ടത്. ഇന്നലെയും ഇന്നുമായി നിരവധി ട്രെയിനുകള്‍ വഴിതിരിച്ചു വിടുകയും ചിലത് റദ്ദാക്കുകയും ചെയ്തിട്ടുണ്ട്.