തിരുവനന്തപുരം: ഇത്തവണ യുഡിഎഫ് നിയമസഭാ തെരഞ്ഞെടുപ്പിനെ സമീപിക്കുന്നത് ജനകീയ മാനിഫെസ്റ്റോയുമായെന്ന് പ്രതിപക്ഷ നേതാവ് രമേശ് ചെന്നിത്തല. രാഹുല്‍ ഗാന്ധി വിഭാവനം ചെയ്ത  ന്യായ് പദ്ധതി യുഡി എഫ് കേരളത്തില്‍  അധികാരത്തിലെത്തുമ്പോള്‍ നടപ്പിലാക്കുമെന്നും ചെന്നിത്തല പറഞ്ഞു. .

ആളുകള്‍ക്ക് കുറഞ്ഞ വരുമാനം ഉറപ്പുവരുത്തുന്ന പദ്ധതി പ്രകാരം സംസ്ഥാനത്തെ പാവപ്പെട്ട കുടുംബങ്ങളുടെ അക്കൗണ്ടില്‍ പ്രതിമാസം 6000 രൂപ ഉറപ്പുവരുത്തും. നമ്മുടെ സംസ്ഥാനത്തു നിന്നും ദാരിദ്ര്യം തുടച്ചുനീക്കാന്‍ ഈ പദ്ധതിക്ക് കഴിയും. ന്യായ് പദ്ധതി പൂര്‍ണതോതില്‍ നടപ്പിലാക്കുന്ന ആദ്യ സംസ്ഥാനമായി കേരളം മാറും.

കൂടുതല്‍ അഭിപ്രായങ്ങളും നിര്‍ദ്ദേശങ്ങളും peoplesmanifesto2021@gmail.com എന്ന മെയില്‍ ഐഡിയില്‍ അറിയിക്കാവുന്നതാണെന്ന് ചെന്നിത്തല സമൂഹമാധ്യമത്തില്‍ പങ്കുവച്ച കുറിപ്പില്‍ വ്യക്തമാക്കി.