തൃശൂർ: വീട്ടുമുറ്റത്തെ കിണറ്റിൽ നിന്നും വെള്ളം കുടിച്ച അമ്മയും മകളും ആശുപത്രിയിൽ. കിണറ്റിലെ വെള്ളത്തിൽ അ‍ജ്ഞാതർ വിഷം കലർത്തിയെന്നാണ് പരാതി. പീച്ചി തെക്കേക്കുളം സ്വദേശി ഷാജിയുടെ വീട്ടുകിണറ്റിലെ വെള്ളമാണ് മലിനമായത്. പ്രത്യേക മണവും വെള്ളത്തിന്റെ മുകളിൽ പാടയും കെട്ടിക്കിടക്കുന്നുണ്ട്.

കിണറ്റിൽ നിന്നും വെള്ളം കുടിച്ച പാണഞ്ചേരി പഞ്ചായത്തിലെ ആശാപ്രവര്‍ത്തക സന്ധ്യയേയും മകള്‍ ആന്‍മേരിയേയും ആരോഗ്യപ്രശ്നങ്ങള്‍ കാരണം തൃശൂർ മെഡിക്കല്‍ കോളജ് ആശുപത്രിയിലേക്ക് മാറ്റി. തുടര്‍ച്ചയായ ഛര്‍ദ്ദിമൂലമാണ് ഇരുവരേയും ആശുപത്രിയിലേക്ക് മാറ്റിയത്. 

വെള്ളത്തിൽ വിഷത്തിന്റെ അംശമുണ്ടെന്ന വീട്ടുടമയുടെ പരാതിയിൽ പീച്ചി പൊലീസ് കേസെടുത്ത് അന്വേഷണം ആരംഭിച്ചു. നാട്ടുകാരും ഇതേ കിണറ്റിൽ നിന്ന് വെള്ളം ഉപയോഗിക്കാറുണ്ട്. ആരോഗ്യ പ്രശ്നങ്ങള്‍ ഉള്ളവര്‍ അറിയിക്കാന്‍ പൊലീസ് നിര്‍ദ്ദേശം നല്‍കിയിട്ടുണ്ട്.

ഈ വാര്‍ത്ത കൂടി വായിക്കൂ 

വണ്ടിപ്പെരിയാര്‍ കേസ്: പ്രതിയെ വെറുതെ വിട്ടതിനെതിരായ സര്‍ക്കാര്‍ അപ്പീല്‍ ഹൈക്കോടതി ഫയലില്‍ സ്വീകരിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ