കോഴിക്കോട്: മലപ്പുറത്തെ പ്ലസ്‌ വൺ സീറ്റ് പ്രതിസന്ധി പരിഹരിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി. ഈ മാസം 16ന് ശേഷം എയ്‌ഡഡ് സ്കൂളുകളിൽ അധിക സീറ്റ് അനുവദിക്കുമെന്നും മന്ത്രി കോഴിക്കോട് മാധ്യമങ്ങളോട് പറഞ്ഞു.

താലൂക്ക്-പഞ്ചായത്ത് അടിസ്ഥാനത്തിലെ കുറവനുസരിച്ചാകും സീറ്റുകൾ അനുവദിക്കുക. വിഷയത്തിൽ ശ്വാശത പരിഹാരത്തിന് 16ന് ശേഷം മുഖ്യമന്ത്രിയുടെ നേതൃത്വത്തിൽ ​യോ​ഗം ചേരും. 74014 കുട്ടികളാണ് ഇതുവരെ അപേക്ഷ നൽകിയിരിക്കുന്നത്. ഇതിൽ 51443 പേർ പ്രവേശം നേടി.

മറ്റ് ക്വാട്ടകളിൽ ആകെ 19165 സീറ്റുകളിൽ ഇപ്പോൾ ഒഴിവുണ്ടെന്നും മന്ത്രി പറഞ്ഞു. ഈ മാസം ആദ്യം മുഖ്യമന്ത്രിയുടെ നേത‍ൃത്വത്തിൽ ചേർന്ന യോ​ഗത്തിൽ മലപ്പുറത്തെ പ്രശ്നം വിലയിരുത്തിയിരുന്നു. ഇതിന്റെ അടിസ്ഥാനത്തിൽ മറ്റ് പല ജില്ലകളിൽ നിന്നും 14 ബാച്ചുകൾ മലപ്പുറം ജില്ലകളിലേക്ക് മാറ്റിയിരുന്നുവെന്നും മന്ത്രി പറഞ്ഞു.

ഈ വാര്‍ത്ത കൂടി വായിക്കൂ 

ഏക സിവിൽ കോഡ്; സിപിഎം സെമിനാറിൽ പങ്കെടുക്കണോ? നേതാക്കൾ രണ്ട് തട്ടിൽ; ലീ​ഗിന്റെ അടിയന്തര യോ​ഗം ഇന്ന് പാണക്കാട്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ