തിരുവനന്തപുരം: 2026-27 അധ്യയന വർഷത്തെ ഹയർസെക്കണ്ടറി (വൊക്കേഷണൽ) പ്രവേശനത്തിന്റെ ട്രയൽ അലോട്ട്‌മെന്റ് ജൂൺ 8-ന് പ്രസിദ്ധീകരിക്കും. സംസ്ഥാനത്തെ 388 സ്‌കൂളുകളിലേക്കുള്ള ട്രയൽ അലോട്ട്‌മെന്റ് ഫലമാണ് ഇതിൽ ഉൾപ്പെടുത്തിയിട്ടുള്ളത്. വിദ്യാർഥികൾക്ക് admission.vhseportal.kerala.gov.in വെബ്സൈറ്റിലൂടെ അലോട്ട്‌മെന്റ് ഫലം പരിശോധിക്കാം.

ലോഗിൻ പേജിൽ രജിസ്റ്റർ ചെയ്ത മൊബൈൽ നമ്പറും പാസ്‌വേഡും ഉപയോഗിച്ച് പ്രവേശിച്ച് അലോട്ട്‌മെന്റ് ഫലം അറിയാം. അപേക്ഷാ വിവരങ്ങൾ അപൂർണ്ണമായി നൽകിയിട്ടുള്ള വിദ്യാർഥികൾക്ക് ഈ ഘട്ടത്തിൽ അപേക്ഷ പൂർത്തിയാക്കി കൺഫർമേഷൻ നടത്തുന്നതിനും അവസരമുണ്ട്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

ഓപ്ഷനുകൾ ഉൾപ്പെടെ അപേക്ഷയിൽ തിരുത്തലുകൾ ആവശ്യമുള്ളവർക്ക് കാൻഡിഡേറ്റ് ലോഗിൻ വഴി ജൂൺ 10 വൈകിട്ട് 5 മണിവരെ മാറ്റങ്ങൾ വരുത്താം. അപേക്ഷ നൽകിയ എല്ലാ വിദ്യാർഥികളും ട്രയൽ അലോട്ട്‌മെന്റ് ഫലം നിർബന്ധമായും പരിശോധിക്കണം. ഇതിനായി എല്ലാ ഹയർസെക്കണ്ടറി (വൊക്കേഷണൽ) സ്‌കൂളുകളിലെയും ഹെൽപ്‌ഡെസ്‌ക് സേവനം ഉപയോഗപ്പെടുത്താം.