കൊച്ചി : വിശ്വഹിന്ദു പരിഷത്ത് സംസ്ഥാന അധ്യക്ഷനായി സിനിമാ സംവിധായകന്‍ വിജി തമ്പിയെ നിയമിച്ചു. ഹരിയാനയിലെ ഫരീദാബാദില്‍ നടന്ന വിഎച്ച്പി സമ്മേളനത്തില്‍ രാജ്യാന്തര സെക്രട്ടറി ജനറല്‍ മിലിന്ത് എസ് പരാന്തേയാണ് വിജിതമ്പിയുടെ പേര് പ്രഖ്യാപിച്ചത്. 

സംസ്ഥാന അധ്യക്ഷനായിരുന്ന ബി ആര്‍ ബലരാമന്‍ സംസ്ഥാന സമിതി അംഗമായി തുടരുമെന്ന് പ്രചാര്‍ പ്രമുഖ് എസ് സഞ്ജയന്‍ അറിയിച്ചു. സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്‍ അംഗമായ വിജിതമ്പി ക്ഷേത്ര സംരക്ഷണ സമിതി സംസ്ഥാന ഉപദേഷ്ടാവുമാണ്.