കോഴിക്കോട്: ജീപ്പ് ദേഹത്തു കയറിയിറങ്ങി യുവാവിനു ദാരുണാന്ത്യം. കക്കാടംപൊയിൽ കരിശുമലയ്ക്കു സമീപമാണ് അപകടം. വാളംതോട് സ്വദേശി കൂനിങ്കിയിൽ സജിയുടെ മകൻ അതിൻ ജോസഫ് (25) ആണ് മരിച്ചത്. 

അതിൻ ഓടിച്ചിരുന്ന ജീപ്പ് കുഴിയിൽ വീണതിനെ തുടർന്നു വണ്ടിയിൽ നിന്നു പുറത്തിറങ്ങി കല്ലിട്ട് കയറ്റാൻ ശ്രമിക്കുകയായിരുന്നു. അതിനിടെ ജീപ്പ് തെന്നി നീങ്ങി ദേഹത്ത് കയറി ഇറങ്ങി. 

അപകടത്തിനു പിന്നാലെ മുക്കത്തെ സ്വകാര്യ ആശുപത്രിയിലും മെഡിക്കൽ കോളജിലും കോഴിക്കോട്ടെ മറ്റൊരു സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മാതാവ്: റെനി. സഹോദരങ്ങൾ: ജിതിൻ, ക്രിസ്റ്റി, കൃപ.

ഈ വാര്‍ത്ത കൂടി വായിക്കൂ

കൂട്ട അവധിയെടുത്ത് കെഎസ്ഇബി ജീവനക്കാരുടെ ടൂർ; പീരുമേട് ഇരുട്ടിലായത് 16 മണിക്കൂർ! അന്വേഷണം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ