കോഴിക്കോട്: ബര്മുഡ ധരിച്ച് പയ്യോളി പൊലീസ് സ്റ്റേഷനിലെത്തിയ യുവാവിന്റെ പരാതി കേള്ക്കാന് പൊലീസ് തയ്യാറായില്ലെന്ന് പരാതി. ബര്മുഡ ധരിച്ചത് കാരണം പൊലീസ് തന്നെ കേള്ക്കാന് തയ്യാറായില്ലെന്നും ഇത് മാറ്റിവരണമെന്ന് ആവശ്യപ്പെട്ടതായും പയ്യോളി സ്വദേശിയായ യുവാവ് കോഴിക്കോട് റൂറല് എസ്പിക്ക് നല്കിയ പരാതിയില് പറയുന്നു. പരാതിയില് അന്വേഷണം നടത്താന് വടകര കണ്ട്രോള് റൂം ഡിവൈഎസ്പിയോട് കോഴിക്കോട് റൂറല് എസ്പി നിര്ദേശിച്ചു.
ഒക്ടോബര് രണ്ടിനാണ് പരാതിക്കിടയാക്കിയ സംഭവം. വാഹനാപകടവുമായി ബന്ധപ്പെട്ട ഒരു പരാതിയുമായാണ് യുവാവ് സ്റ്റേഷനിലെത്തിയത്. എന്നാല് ബര്മുഡ ധരിച്ചത് കാരണം പൊലീസ് തന്നെ കേള്ക്കാന് തയ്യാറായില്ലെന്നും ഇത് മാറ്റി വരണമെന്ന് ആവശ്യപ്പെടുകയും ചെയ്തെന്നാണ് പരാതിയില് പറയുന്നത്. വേഷംമാറ്റിയെത്തിയ ശേഷം മാത്രമേ തന്റെ പരാതി പരിഗണിക്കാന് പൊലീസ് തയ്യാറായുള്ളൂവെന്നും പരാതിയില് യുവാവ് ചൂണ്ടിക്കാണിക്കുന്നു. ഇതിന് ശേഷമാണ് യുവാവ് എസ്പിയെ സമീപിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates