തൃശൂര്: ഇന്സ്റ്റഗ്രാമിലൂടെ പരിചയപ്പെട്ട പത്താം ക്ലാസുകാരിയെ ബലാത്സംഗം ചെയ്തെന്ന പരാതിയില് യൂത്ത് ലീഗ് നേതാവ് അറസ്റ്റില്. യൂത്ത് ലീഗ് ഗുരുവായൂര് നിയോജക മണ്ഡലം സെക്രട്ടറിയും യൂത്ത് ലീഗ് പുന്നയൂര് പഞ്ചായത്ത് വൈസ് പ്രസിഡന്റുമായ ബാദുഷ (32)യാണ് അറസ്റ്റിലായത്.
രക്ഷിതാക്കള് ഇല്ലാത്ത നേരത്ത് പെണ്കുട്ടിയുടെ വീട്ടിലെത്തി ലൈംഗികമായി പീഡിപ്പിച്ചെന്നാണ് കേസ്. പീഡന ദൃശ്യങ്ങള് മൊബൈല് ഫോണില് ചിത്രീകരിക്കുകയും ഇത് പെണ്കുട്ടിയെ കാണിച്ച് ഭീഷണിപ്പെടുത്തുകയും ചെയ്തെന്നും പരാതിയില് പറയുന്നു.
എസിപി പ്രേമാനന്ദകൃഷ്ണന്, ചാവക്കാട് എസ്എച്ച്ഒ വി വി വിമല് എന്നിവരുടെ നേതൃത്വത്തില് പൊലീസ് സംഘമാണ് ഇയാളെ പിടികൂടിയത്. എസ് ഐ എസ് വിഷ്ണു നായര്, എസ്സിപിഒ വി അനീഷ്, ജി അനീഷ്, ജി അരുണ്, കെ പി പ്രദീപ് എന്നിവരും പ്രതിയെ അറസ്റ്റ് ചെയ്ത സംഘത്തിലുണ്ടായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates