കോഴിക്കോട്: യുവമോര്ച്ച പ്രവര്ത്തകയെ വിവാഹവാഗ്ദാനം നല്കി പലവട്ടം പീഡിപ്പിച്ചെന്ന പരാതിയില് ബിജെപി ജില്ലാ നേതാവിന്റെ മുന് ഡ്രൈവര്ക്കെതിരെ പൊലീസ് കേസെടുത്തു. കുന്നമംഗലം സ്വദേശിയായ യുവതിയുടെ പരാതിയിലാണ് പേരാമ്പ്ര കടിയങ്ങാട് സ്വദേശി സുജിത്തിനെതിരെ കുന്നമംഗലം പൊലീസ് കേസെടുത്തത്.
കഴിഞ്ഞ തെരഞ്ഞെടുപ്പു കാലത്താണ് താല്ക്കാലിക ജോലിക്കായി യുവതിയെ ബിജെപി ജില്ലാക്കമ്മിറ്റി ഓഫിസിലെത്തിച്ചത്. തെരഞ്ഞെടുപ്പു കാലത്തിനുശേഷം സജീവ പ്രവര്ത്തകയായി. ഇക്കാലത്ത് പ്രതി പ്രണയം നടിക്കുകയും വിവാഹവാഗ്ദാനം നല്കിയ ശേഷം യുവതിയെ പേരാമ്പ്രയിലെ വീട്ടിലെത്തിച്ച് പല തവണ പീഡിപ്പിക്കുകയും ചെയ്തതായാണ് പരാതി. യുവതിയുടെ ഫോട്ടോകള് പകര്ത്തുകയും ഇതുപയോഗിച്ച് ഭീഷണിപ്പെടുത്തി സ്വര്ണാഭരണങ്ങളും പണവും തട്ടിയെടുക്കുകയും ചെയ്തതായും പരാതിയില് പറയുന്നു.
എട്ടുമാസം മുന്പ് ഇയാള് ബിജെപി ജില്ലാ നേതാവിന്റെ ഡ്രൈവര് ജോലി ഉപേക്ഷിച്ചു പോയതാണ്. തുടര്ന്ന് യുവതി അസി. കമ്മിഷണര് കെ സുദര്ശനു പരാതി നല്കി. പരാതി കുന്നമംഗലം സ്റ്റേഷനിലേക്ക് കൈമാറുകയും അന്വേഷിച്ച് സംഭവത്തില് കേസെടുക്കുകയുമായിരുന്നു. സംഭവം നടന്നത് കൂത്താളിയിലായതിനാല് കേസ് പേരാമ്പ്ര പൊലീസിനു കൈമാറുമെന്നും എസി കെ സുദര്ശന് പറഞ്ഞു.
ഈ വാര്ത്ത കൂടി വായിക്കൂ കൊട്ടാരക്കരയില് മകന് അമ്മയെ നടുറോഡില് കുത്തിക്കൊന്നു, ഭീകരാന്തരീക്ഷം സൃഷ്ടിച്ചു, നാട്ടുകാര് ചേര്ന്ന് പിടികൂടി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates