തിരുവനന്തപുരം : മഴയുടെ ശക്തി കുറഞ്ഞെങ്കിലും സംസ്ഥാനത്തെ അഞ്ചു ഡാമുകളില് ജലനിരപ്പ് ഇപ്പോഴും പരിധിക്ക് മുകളില്. അതിനാല് റെഡ് അലര്ട്ട് തുടരുകയാണ്. കല്ലാര്കുട്ടി, ലോവര് പെരിയാര്, പൊന്മുടി, ഇരട്ടയാര്, മൂഴിയാര് ഡാമുകളിലാണ് ജലനിരപ്പ് പരിധിക്ക് മുകളിലുള്ളത്.
അതേസമയം കേരളത്തില് ഓഗസ്റ്റ് 15 വരെ ശക്തമായ മഴയ്ക്ക് സാധ്യതയില്ലെന്നാണ് കാലാവസ്ഥ വകുപ്പിന്റെ പ്രവചനം. ഓഗസ്റ്റ് 13 ന് ബംഗാള് ഉള്ക്കടലില് മറ്റൊരു ന്യൂനമര്ദം കൂടി രൂപപ്പെടാന് സാധ്യതയുണ്ടെങ്കിലും അത് കേരളത്തിലെ കാലാവസ്ഥയെ നേരിട്ട് ബാധിക്കില്ലെന്നാണ് വിലയിരുത്തല്. ന്യൂനമര്ദത്തിന്റെ രൂപീകരണ സാധ്യതയും വികാസവും കേന്ദ്ര കാലാവസ്ഥ വകുപ്പും സംസ്ഥാന ദുരന്ത നിവാരണ അതോറിറ്റിയും സൂക്ഷ്മമായി നിരീക്ഷിക്കുന്നതായി മുഖ്യമന്ത്രി പറഞ്ഞു.
മഴ മുന്നറിയിപ്പുകള് പിന്വലിച്ച സാഹചര്യത്തില് സംസ്ഥാനത്ത് മല്സ്യബന്ധനത്തിന് ഏര്പ്പെടുത്തിയിരുന്ന നിയന്ത്രണങ്ങള് പിന്വലിച്ചിട്ടുണ്ട്. ആലപ്പുഴയില് നാളെ മുതല് നിയന്ത്രണങ്ങളോടെ കടലില് പോകാന് ബോട്ടുകള്ക്ക് ജില്ലാഭരണകൂടം അനുമതി നല്കി. ബോട്ടുകളുടെ രജിസ്ട്രേഷന് നമ്പര് അനുസരിച്ച് ഒന്നിടവിട്ട ദിവസങ്ങളില് ഒറ്റ, ഇരട്ട നമ്പര് ബോട്ടുകള് കടലിലിറക്കാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates