തിരുവനന്തപുരം: സംസ്ഥാനത്ത് അഞ്ച് ജില്ലകളിൽ ഇന്ന് കോവിഡ്  രോ​ഗികളുടെ എണ്ണം നൂറ് കടന്നു. തിരുവനന്തപരത്ത് 289 പേർക്കാണ് ഇന്ന് രോ​ഗം സ്ഥിരീകരിച്ചത്. കാസർക്കോട്  168, കോഴിക്കോട് 149, മലപ്പുറം 142, പാലക്കാട് 123 എന്നീ ജില്ലകളിലും ഇന്ന് രോ​ഗികളുടെ എണ്ണം നൂറ് കടന്നു. 

സംസ്ഥാനത്ത് ഇന്ന് 1251 പേർക്കാണ് കോവിഡ് 19 സ്ഥിരീകരിച്ചത്. അഞ്ച് പേർ മരിച്ചതായും മുഖ്യമന്ത്രി പിണറായി വിജയൻ വ്യക്തമാക്കി. കോവിഡ് അവലോകന യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി

ഇന്ന് രോഗം സ്ഥിരീകരിച്ചവരിൽ 77 പേർ വിദേശ രാജ്യങ്ങളിൽ നിന്നും 91  പേർ മറ്റ് സംസ്ഥാനങ്ങളിൽ നിന്നും വന്നതാണ്. 1061  പേർക്ക് സമ്പർക്കത്തിലൂടെയാണ് രോഗം ബാധിച്ചത്. അതിൽ  73 പേരുടെ സമ്പർക്ക ഉറവിടം വ്യക്തമല്ല.  814 പേർ രോഗമുക്തി നേടി ആശുപത്രി വിട്ടതയായും മുഖ്യമന്ത്രി വാർത്താ സമ്മേളനത്തിൽ പറഞ്ഞു.