കോഴിക്കോട് : ബിജെപി സംസ്ഥാന അധ്യക്ഷൻ പി.എസ്.ശ്രീധരൻ പിള്ളയ്‌ക്ക് വധഭീഷണി. പാർട്ടി സംസ്ഥാന ഓഫീസിലാണ്  ഇന്നലെ കത്ത് ലഭിച്ചത്. മഹാരാഷ്ട്രയിലെ മഹാബലേശ്വരിൽ നിന്ന് സ്പീഡ്‌പോസ്റ്റിലാണ് ശ്രീധരൻ പിള്ളയ്ക്ക് ഭീഷണിക്കത്ത് എത്തിയതെന്ന് കെ സുരേന്ദ്രൻ പറഞ്ഞു. സംസ്ഥാന പൊലീസ് മേധാവിക്ക് ബി.ജെ.പി പരാതി നല്‍കി. 

രാജീവ് ഗാന്ധിയുടേത് പോലുള്ള അന്ത്യം ആയിരിക്കും ശ്രീധരൻപിള്ള നേരിടുക എന്നാണു ഭീഷണി. മുബൈയില്‍ നിന്ന് മോഹനന്‍ കെ നായര്‍ എന്ന് പേരിലാണ് ഭീഷണിക്കത്ത് അയച്ചിരിക്കുന്നത്. കാസർകോട് നിന്നും ശ്രീധരൻ പിള്ള ആരംഭിക്കാനിരിക്കുന്ന ശബരിമല സംരക്ഷണ രഥയാത്രയോടൊപ്പം താനും ഉണ്ടാവുമെന്നും ഭീഷണികത്തില്‍ സൂചിപ്പിക്കുന്നുണ്ട്.