ആലപ്പുഴ : ആലപ്പുഴയില്‍ അമിതവേഗതയിലൂടെ പോയ കാര്‍ ഇടിച്ച് റോഡിലൂടെ നടന്നുപോയ വിദ്യാര്‍ത്ഥിനികള്‍ അടക്കം ആറുപേര്‍ക്ക് പരിക്കേറ്റു. ആലപ്പുഴ പൂച്ചാക്കലില്‍ ഉച്ചയ്ക്ക് ഒന്നേമുക്കാലോടെയാണ് അപകടം ഉണ്ടായത്. 

റോഡരികില്‍ ബൈക്കിലിരുന്ന അനീഷ് എന്നയാളെയും മകന്‍ വേദവിനെയുമാണ് കാര്‍ ആദ്യം ഇടിച്ചത്. അതിനു ശേഷം ചന്ദന, അര്‍ച്ചന, സാഗി എന്നീ പ്ലസ് ടു വിദ്യാര്‍ഥിനികളെ ഇടിച്ചു തെറിപ്പിച്ചു. ഇവരെ കാര്‍ ഇടിച്ച് കനാലിലേക്ക് ഇടുകയായിരുന്നു. 

അതിനുശേഷം സൈക്കിളില്‍ പോയ അനഘ എന്ന വിദ്യാര്‍ഥിനിയെയും കാര്‍ ഇടിച്ചു തെറുപ്പിച്ചു. തുടര്‍ന്ന്  പോസ്റ്റില്‍ ഇടിച്ചാണ് കാര്‍ നിന്നത്. 

കാര്‍ ഓടിച്ച അസ്‌ലം, ഒപ്പമുണ്ടായിരുന്ന മനോജ് എന്നിവര്‍ക്ക് ഗുരുതരമായി പരിക്കേറ്റിട്ടുണ്ട്. ഇവരെ എറണാകുളം ജനറല്‍ ആശുപത്രിയിലേക്കു മാറ്റി, കാര്‍ അമിത വേഗത്തിലായിരുന്നെന്ന് സിസിടിവി ദൃശ്യങ്ങളില്‍ വ്യക്തമാണ്.