ആലപ്പുഴ: അമ്പലപ്പുഴയില്‍ ഗുഡ്‌സ് ട്രെയിന്‍ പാളം തെറ്റിയതിനെ തുടര്‍ന്ന് കോഴിക്കോട്-തിരുവനന്തപുരം ജനശതാബ്ദി എക്‌സ്പ്രസ് കോട്ടയം വഴി തിരിച്ചുവിടും. പാളത്തിലെ കേടുപാടുകള്‍ പരിഹരിക്കുന്നതില്‍ താമസം നേരിടുന്നതിനാലാണ് വഴിതിരിച്ചുവിടുന്നത്. ചെങ്ങന്നൂരിലും ചങ്ങനാശ്ശേരിയിലും ട്രെയിന് സ്റ്റോപ്പുണ്ടാകും.

ഇന്നുച്ചയ്ക്ക് രണ്ടുമണിയോടെയാണ് അമ്പലപ്പുഴയില്‍ ഗുഡ്‌സ് ട്രെയിന്‍ പാളം തെറ്റിയത്. ഹരിപ്പാട്അമ്പലപ്പുഴ പാത ഇരട്ടിപ്പിക്കലിന് വേണ്ടി മെറ്റല്‍ കൊണ്ടുവന്ന ട്രെയിനാണ് അപകടത്തില്‍പ്പെട്ടത്. ട്രെയിന്‍ പാളം തെറ്റിയതിനെ തുടര്‍ന്ന് ട്രാക്കിന് വിള്ളലുണ്ടായി. നേത്രാവതി എക്‌സ്പ്രസ് ചേര്‍ത്തലയില്‍ പിടിച്ചിട്ടു.