കൊച്ചി: താരസംഘടനയായ അമ്മ പിരിച്ചുവിടണമെന്ന് എന്‍.കെ. പ്രേമചന്ദ്രന്‍ എംപി പറഞ്ഞു. നടി ആക്രമിക്കപ്പെട്ട കേസ് സിബിഐയ്ക്ക് വിടുകയാണ് വേണ്ടതെന്നും പ്രേമചന്ദ്രന്‍ പറഞ്ഞു.
താരസംഘടന ക്രിമിനലുകളുടെ കേന്ദ്രവും സംരക്ഷകരുമായി മാറിയിരിക്കുകയാണ്. അമ്മയിലെ എക്‌സിക്യുട്ടീവ് കമ്മിറ്റി അംഗങ്ങളും ജനപ്രതിനിധികളുമായ മുകേഷ്, ഇന്നസെന്റ്, ഗണേഷ് എന്നിവര്‍ക്കെതിരെ നിയമനടപടി സ്വീകരിക്കണമെന്നും പ്രേമചന്ദ്രന്‍ പറഞ്ഞു.
ലോക്‌സഭാ തെരഞ്ഞെടുപ്പുവേളയില്‍ത്തന്നെ നടന്‍ മുകേഷുമായി എന്‍.കെ. പ്രേമചന്ദ്രന്‍ കൊമ്പുകോര്‍ത്തിരുന്നു. മുകേഷുംകൂടി ഉള്‍പ്പെട്ട അമ്മ സംഘടനയുടെ യോഗത്തിനിടെയുണ്ടായ സംഭവങ്ങളെക്കുറിച്ചായിരുന്നു പ്രേമചന്ദ്രന്‍ ഏറെയും പ്രതികരിച്ചത്.