ചെങ്ങന്നൂര്‍: ചെങ്ങന്നൂരില്‍ യുഡിഎഫിന് വിജയം ഉറപ്പെന്ന് എഐഎസിസി പ്രവര്‍ത്തക സമിതി അംഗം എ.കെ ആന്റണി. വര്‍ഗീയ കാര്‍ഡിറക്കിയ സിപിഎമ്മിന് ജനങ്ങള്‍ തിരിച്ചടി നല്‍കും. വിഭാഗിയതയുണ്ടാക്കാന്‍ ശ്രമിച്ച ബിജെപി ദയനീയമായി മൂന്നാംസ്ഥാനത്തേക്ക് പിന്തള്ളപ്പെടുമെന്നും ആന്റണി പറഞ്ഞു. 

അയ്യഭക്തനായ ഡി. വിജയകുമാറിനെ ആര്‍എസ്എസ് ആക്കിയത് ഏറ്റവും ഹീനമായ പ്രവര്‍ത്തിയാണ്. വര്‍ഗീയ ധ്രൂവീകരണത്തിനുള്ള നാലാംകിട അടവാണിതെന്നും ആന്റണി പറഞ്ഞു.  യുഡിഎഫ് സ്ഥാനാര്‍ത്ഥി ഡി.വിജയകുമാര്‍ സംഘപരിവാര്‍ സംഘടനയില്‍ പ്രവര്‍ത്തിക്കുന്നയാളാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞിരുന്നു. 

തിങ്കളാഴ്ച പോളിങ് ബൂത്തിലെത്തുന്ന മണഡലത്തില്‍ മൂന്നു മുന്നണികളും വിജയ പ്രതീക്ഷയിലാണ്. ഇന്ന് നിശബ്ദ പ്രചാരണത്തിന്റെ തിരക്കിലാണ് മുന്നണികള്‍.