കോഴിക്കോട് : കോഴിക്കോട് പന്തീരാങ്കാവില് മാവോയിസ്റ്റ് ബന്ധം ആരോപിച്ച് അറസ്റ്റിലായ വിദ്യാര്ത്ഥികളായ അലന് ഷുഹൈബിന്റെയും താഹ ഫസലിന്റെയും കേസ് ദേശീയ അന്വേഷണ ഏജന്സി (എന്ഐഎ) ഏറ്റെടുത്തു. യുഎപിഎ ചുമത്തി അറസ്റ്റ് ചെയ്ത വിദ്യാര്ഥികളുടെ പേരില് എന്ഐഎ കോടതിയില് കേസ് രജിസ്റ്റര് ചെയ്തു. പ്രാഥമിക അന്വേഷണത്തിനുശേഷമാണ് കേസ് രജിസ്റ്റര് ചെയ്തത്.
കണ്ണൂര് സര്വകലാശാലയിലെ പാലയാട് സ്കൂള് ഓഫ് ലീഗല് സ്റ്റഡീസില് വിദ്യാര്ഥിയായ അലന് ഷുഹൈബ്, മാധ്യമ വിദ്യാര്ഥി താഹ ഫസല് എന്നിവരെ മാവോയിസ്റ്റ് ലഘുലേഖകള് കൈവശംവച്ചെന്ന കേസില് നവംബര് രണ്ടിനാണ് കേരള പൊലീസ് അറസ്റ്റ് ചെയ്തത്. കേസിന്റെ രേഖകള് കേരള പൊലീസില്നിന്ന് എന്ഐഎ ശേഖരിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates