പ്രണവ് മോഹന്‍ലാല്‍ ചിത്രം ആദി കോപ്പിയടിയെന്ന ആരോപണത്തിന് മറുപടിയുമായി സംവിധായകന്‍ ജീത്തു ജോസഫ്. ആദി തന്റെ സ്വന്തം കഥയാണെന്നും കോളജ് പഠനകാലത്ത് തന്നെ ഈ കഥ മനസിലുണ്ടെന്നും ജീത്തു പ്രതികരിച്ചു. 

'ആരോപണത്തെ കുറിച്ച് അറിയില്ല. ആദി എന്റെ സ്വന്തം കഥയാണ്. കോളേജില്‍ പഠിക്കുന്ന കാലത്താണ് ആ കഥ മനസ്സിലേക്ക് വരുന്നത്. അന്ന് പാര്‍ക്കൗര്‍ അല്ലായിരുന്നു, പകരം അത്‌ലറ്റിക് ആയിരുന്നു മനസില്‍. അത്തരത്തിലുള്ള ഒരു ചെറുപ്പക്കാരന്‍ വേറെ നഗരത്തില്‍ എത്തുന്നതും പ്രശ്‌നത്തില്‍ അകപ്പെടുന്നതുമായിരുന്നു. അവന്‍ വലിയ ഓട്ടക്കാരനായതുകൊണ്ട് അവനെ ആര്‍ക്കും പിടിക്കാന്‍ കഴിയുന്നില്ല. ആ കഥ വികസിപ്പിച്ചെടുത്തതാണ് ആദി. പക്ഷെ ആ സിനിമക്ക് അത്തരത്തിലുള്ള ഒരാളെ അന്ന് കിട്ടിയില്ല. പിന്നീടാണ് പ്രണവിലേക്ക് എത്തുന്നത്'- ജിത്തു ജോസഫ് പ്രതികരിച്ചു.