തിരുവനന്തപുരം: കോവിഡ് നിരീക്ഷണത്തില്‍ കഴിഞ്ഞിരുന്ന ആള്‍ തീ കൊളുത്തി മരിച്ചു. തിരുവനന്തപുരത്ത് ആറ്റിങ്ങലില്‍ ആണ് സംഭവം. ആറ്റിങ്ങല്‍ മണമ്പൂര്‍ സ്വദേശി സുനില്‍ ആണ് മരിച്ചത്. ആറ്റിങ്ങല്‍ വിളയില്‍മൂലയില്‍ ഇന്ന് ഉച്ചക്ക് ശേഷമാണ് സംഭവം ഉണ്ടായത്. 

ദുബൈയില്‍ നിന്ന് എത്തി വീട്ടില്‍ നിരീക്ഷണത്തില്‍ കഴിഞ്ഞിരുന്ന ഇയാള്‍ പെട്രോള്‍ വാങ്ങി ഭാര്യവീടിന് സമീപമെത്തിയാണ് തീകൊളുത്തി മരിച്ചത്.മാസങ്ങള്‍ക്ക് മുന്‍പാണ് സുനില്‍ വിവാഹമോചിതനായത്. കുടുംബപ്രശ്‌നങ്ങളെ തുടര്‍ന്നുളള ആത്മഹത്യയെന്നാണ് പ്രാഥമിക നിഗമനം.