പാലക്കാട്: എഴുന്നള്ളിപ്പിനു കൊണ്ടുവന്ന ആന ഇടഞ്ഞോടി ക്ഷേത്രത്തിന് സമീപത്തെ കിണറ്റില്‍ വീണു ചരിഞ്ഞു. തിരുവാഴിയോട് തിരുനാരായണപുരം ഉത്രത്തില്‍ കാവ് ഭഗവതി ക്ഷേത്രത്തിലെ ഭരണി മഹോത്സവത്തിന് എഴുന്നള്ളിപ്പിനായി കൊണ്ടുവന്ന ആനയാണ് ചരിഞ്ഞത്.

ബുധനാഴ്ച രാത്രി എട്ടുമണിയോടെയാണ് സംഭവം. എഴുന്നള്ളിപ്പ് കഴിഞ്ഞ് രാത്രി തിരിച്ചു ലോറിയില്‍ കയറ്റാന്‍ കൊണ്ടുപോവുന്നതിനിടെ വിരണ്ടോടിയ ആന ആള്‍മറയില്ലാത്ത കിണറ്റില്‍ വീഴുകയായിരുന്നു. വീഴ്ചയില്‍ കൊമ്പുകള്‍ കിണറിന്റെ വശങ്ങളില്‍ കുത്തിക്കയറി. രാത്രി പത്തരയോടെ ജെസിബിയും ക്രെയിനും ഉപയോഗിച്ചു പുറത്തെടുത്തെങ്കിലും ജീവന്‍ നഷ്ടമായിരുന്നു.

ഗുരുവായൂര്‍ ശേഷാദ്രി എന്ന ആനക്കാണ് അപകടം സംഭവിച്ചത്. 27 വയസുണ്ട്. 

ആന വിരണ്ടോഓടുന്നതിനിടെ ഒരാള്‍ക്ക് പരിക്കുപറ്റി. തിരുവാഴിയോട് വാരിയത്തൊടി വീട്ടില്‍ മോഹന മേനോനാണ് പരിക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചു

രാത്രി പത്തരയോടെ ക്രെയിന്‍ ഉപയോഗിച്ച് ആനയെ പുറത്തെടുത്തു.