കൊച്ചി: നടി ആക്രമിക്കപ്പെട്ട കേസില്‍ അറസ്റ്റിലായി ജയിലില്‍ കഴിഞ്ഞ നടന്‍ ദിലീപിന് ജാമ്യം ലഭിച്ചതിനു പിന്നാലെ ദിലീപിനെ സ്വീകരിക്കാന്‍ നടന്‍ ധര്‍മജനും ആലുവ സബ് ജയിലില്‍ എത്തി.നിറകണ്ണുകളോടെയാണ് ധര്‍മജന്‍ ജയിലില്‍ എത്തിയത്. തനിക്ക് പ്രിയ നായകനെ ഒരു നോക്ക് കണ്ടാമതിയെന്നായിരുന്നു ധര്‍മജന്റെ പ്രതികരണം. 

എന്നെ സിനിമയില്‍ കൊണ്ടുവന്ന ആളാണ് ദിലീപ്. ദിലീപ് കുറ്റം ചെയ്യില്ലെന്ന് തന്നെയാണ് അന്നും ഇന്നും വിശ്വസിക്കുന്നത്. ദിലീപ് ജാമ്യത്തിലിറങ്ങുന്നത് കാത്ത് വീട്ടില്‍ 2500 രൂപയുടെ പടക്കം വാങ്ങിവെച്ചിട്ടുണ്ട്. ആ പടക്കം പൊട്ടിച്ച് ജാമ്യം ആഘോഷിക്കുമെന്നും ധര്‍മ്മജന്‍ പറഞ്ഞു. ജാമ്യം കിട്ടുമോ എന്ന ആശങ്കയുണ്ടായിരുന്നു. കിട്ടിയെന്നറിഞ്ഞപ്പോള്‍ സന്തോഷം മാത്രമെയുള്ളു. ഇനിയൊന്നും പേടിക്കാനില്ലെന്നും ധര്‍മ്മജന്‍ പറഞ്ഞു