കോഴിക്കോട്: ഇരവഞ്ഞിപ്പുഴയില്‍ കുളിക്കാനിറങ്ങിയ യുവാവിനെ മലവെള്ളപ്പാച്ചിലില്‍ പെട്ട് കാണാതായി. പുല്ലൂരാംപാറ അങ്ങാടിക്കു സമീപമുള്ള പത്തായപ്പാറ കടവില്‍ കുളിക്കാനിറങ്ങിയ നെല്ലിപ്പൊയില്‍ ചവര്‍നാല്‍ ഷിനോയിയുടെ മകന്‍ ജെയിംസിനെ (22) ആണ് കാണാതായത്.

ജെയിംസ് കൂട്ടുകാരുമൊത്ത് കുളിക്കാനിറങ്ങിയപ്പോളാണ് ഒഴുക്കില്‍പ്പെട്ടത്. ഇന്ന് വൈകുന്നേരം നാലു മണിയോടെയാണ് സംഭവം. മുക്കത്ത് നിന്നെത്തിയ ഫയര്‍ഫോഴ്‌സും തിരുവമ്പാടി പൊലീസും നാട്ടുകാരും യുവാവിനായി തെരച്ചില്‍ നടത്തിവരുകയാണ്.