കൊല്ലം: ഉത്രയുടെ ശരീരത്തില്‍ നിന്ന് മൂര്‍ഖന്‍ പാമ്പിന്റെ വിഷം കണ്ടെത്തി. ഇത് തെളിയിക്കുന്ന രാസപരിശോധനാഫലം പുറത്തു വന്നു. കേസിലെ നിര്‍ണായക തെളിവാണ് ഇത്. 

മൂര്‍ഖന്‍ പാമ്പിന്റെ ഡിഎന്‍എ പരിശോധനാ ഫലം ഉള്‍പ്പെടെയുള്ള വിവരങ്ങള്‍ ഇനി പുറത്തു വരാനുണ്ട്. സിട്രസിന്‍ മരുന്നിന്റെ സാന്നിധ്യവും ഉത്രയുടെ ആന്തരിക അവയവങ്ങളില്‍ കണ്ടെത്തി.

ഉത്രയെ മയക്കി കിടത്താനാണ് സിട്രസിന്‍ ഉപയോഗിച്ചത് എന്നാണ് അന്വേഷണ സംഘത്തിന്റെ കണ്ടെത്തല്‍. അടുത്ത മാസം ആദ്യത്തോടെ കേസില്‍ കുറ്റപത്രം സമര്‍പ്പിക്കാനാണ് അന്വേഷണ സംഘത്തിന്റെ തീരുമാനം. മറ്റ് പരിശോധനാ ഫലങ്ങള്‍ വൈകാതിരിക്കാന്‍ ഡിജിപി പ്രത്യേക സംഘത്തെ നിയോഗിച്ചിട്ടുണ്ട്.