ആലപ്പുഴ : എന്‍എസ്എസ് കരയോഗമന്ദിരത്തിലും സ്‌കൂളിലും കരിങ്കൊടി ഉയര്‍ത്തിയ കേസില്‍ രണ്ട് ആര്‍എസ്എസ് പ്രവര്‍ത്തകര്‍ അറസ്റ്റില്‍. ആലപ്പുഴ നൂറനാട് വിക്രമന്‍ നായര്‍, ശ്രീജിത്ത് എന്നിവരാണ് പിടിയിലായത്. ഇവര്‍ ആര്‍എസ്എസ്സുകാരും കുടശ്ശനാട് എന്‍എസ്എസ് കരയോഗ അംഗങ്ങളുമാണ്.
 

നവംബർ ഏഴാം തീയതി പുലർച്ചെയാണ് ആലപ്പുഴ നൂറനാട്ടിലെ കുടശ്ശിനാട് എന്‍എസ്എസ് കരയോഗം ഓഫീസിനു മുന്നില്‍ റീത്ത് വെച്ചത് കണ്ടെത്തിയത്.  ജി സുകുമാരന്‍ നായര്‍ക്ക് ആദരാഞ്ജലി എന്ന പേരിലാണ് റീത്ത് കണ്ടത്. ഓഫീസിനു മുന്നിലെ കൊടിമരത്തില്‍ കരിങ്കൊടി ഉയര്‍ത്തുകയും അതിന് താഴെയായി എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായര്‍ക്ക് അനുശോചനമെന്ന് രേഖപ്പെടുത്തിയ റീത്തും വെക്കുയായിരുന്നു.