കൊച്ചി: എറണാകുളം ജില്ലയിലെ കൊച്ചി, കണയന്നൂർ താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധി. പ്രൊഫഷണൽ കോളെജുകൾക്കും അവധി ബാധകമാണ്. തീരദേശത്ത് കടൽക്ഷോഭവും പ്രതികൂല കാലാവസ്ഥയും തുടരുന്ന സാഹചര്യത്തിലാണ് അവധിയെന്ന് ജില്ലാ കളക്ടർ അറിയിച്ചു. 

അവധി ആഘോഷമാക്കരുതെന്നും സാഹചര്യത്തിന്റെ ഗൗരവം മനസിലാക്കി പ്രവർത്തിക്കണമെന്നും കളക്ടർ അഭ്യർത്ഥിച്ചു. 'മഹ' ചുഴലിക്കാറ്റ് അറബിക്കടലിലൂടെ കടന്നു പോകുന്നതിനാൽ കടൽക്ഷോഭവും കാറ്റും തീരമേഖലയിൽ തുടരുകയാണെന്നും ദുരിതബാധിതർക്ക് സഹായമെത്തിക്കാനുള്ള പരിശ്രമത്തിലാണ് ജില്ലാ ഭരണകൂടമെന്നും കളക്ടർ അറിയിച്ചു.