കൊച്ചി : ലോക പരിസ്ഥിതി ദിനാചരണത്തിന്റെ ഭാഗമായി മരം നടുന്ന ചിത്രം പോസ്റ്റ് ചെയ്ത് വൈദ്യുതിമന്ത്രി എംഎം മണി. ഒരു മരം നടാം നല്ല നാളേക്കായി എന്ന തലക്കെട്ടും ചിത്രത്തിന് നല്‍കിയിട്ടുണ്ട്. സേവ് എന്‍വയേണ്‍മെന്റ് എന്ന ഹാഷ്ടാഗോടെയാണ് മന്ത്രി ചിത്രം പോസ്റ്റ് ചെയ്തത്. 

ഇതിന് താഴെ വിമര്‍ശനവുമായി നിരവധി പേര്‍ രംഗത്തെത്തി. ആശാന്‍ തന്നെ ഇതു പറയണം എന്നായിരുന്നു ഒരാളുടെ വിമര്‍ശനം. അപ്പോള്‍ ഇതുകഴിഞ്ഞിട്ടാണോ ശാന്തിവനം നശിപ്പിക്കുന്നതെന്ന് മറ്റൊരാള്‍ ചോദിക്കുന്നു. അതേസമയം മന്ത്രിക്ക് അഭിവാദ്യം അര്‍പ്പിച്ചും നിരവധി പേര്‍ പ്രതികരണവുമായി രംഗത്തെത്തിയിട്ടുണ്ട്.