കൊല്ലം: ഓടിക്കൊണ്ടിരുന്ന കെഎസ്ആര്‍ടിസി ബസിന്റെ ചില്ല് തേങ്ങ വീണ് പൊട്ടി. അപകടത്തില്‍ ഡ്രൈവര്‍ വിജയകുമാറിന്റെ കണ്ണിന് പരിക്കേറ്റൂ. 

ചവറ മുഖംമൂടി ജംഗ്ഷനിലാണ് സംഭവം. കൊല്ലം- പത്തനംതിട്ട റൂട്ടിലോടുന്ന ബസിന്റെ ചില്ലാണ് തകര്‍ന്നത്. കോവിഡ് വ്യാപനം തടയുന്നതിന് പ്രഖ്യാപിച്ച ലോക്ക്ഡൗണിനെ തുടര്‍ന്ന് കെഎസ്ആര്‍ടിസി ബസ് സര്‍വീസ് നിര്‍ത്തിവെച്ചിരിക്കുകയായിരുന്നു. അടുത്തിടെയാണ് നിയന്ത്രണങ്ങള്‍ പാലിച്ച് കൊണ്ട് സര്‍വീസ് പുനരാരംഭിച്ചത്. 

ഇതില്‍ തന്നെ  ജില്ലാന്തര സര്‍വീസുകള്‍ ആരംഭിച്ചത് അടുത്തിടെയാണ്. അത്തരത്തില്‍ കൊല്ലം- പത്തനംതിട്ട റൂട്ടില്‍ സര്‍വീസ് നടത്തുന്നതിനിടെയാണ് സംഭവം.