കോതമംഗലം: കര്‍ഷക തൊഴിലാളി പെന്‍ഷന്‍ കിട്ടാത്തതിന്റെ കാരണം തിരക്കി പഞ്ചായത്ത് ഓഫീസിലെത്തിയ ആള്‍ ഔദ്യോഗിക രേഖപ്രകാരം മരിച്ചുവെന്ന് ഉദ്യോഗസ്ഥര്‍. കുട്ടമ്പുഴ പഞ്ചായത്തിലാണ് സംഭവം

എട്ടുവര്‍ഷമായി പെന്‍ഷന്‍ വാങ്ങുന്ന ഉരുളന്‍തണ്ണി കോച്ചേരില്‍ തോമസ് ആണ് പഞ്ചായത്തിന്റെ രേഖകളില്‍ മരിച്ചത്. ഓണത്തിന് പെന്‍ഷന്‍ കിട്ടാത്തതിനാലാണ് തിരക്കി ഓഫീസിലെത്തിയത്. ഉദ്യോഗസ്ഥര്‍ക്ക് വന്ന കൈപ്പിഴയാകാം തെറ്റിന് കാരണം. കുറ്റക്കാര്‍ക്കെതിരെ കര്‍ശന നടപടി തേടി മുഖ്യമന്ത്രിക്കും തദ്ദേശസ്വയം ഭരണ മന്ത്രിക്കും തോമസ് ചാക്കോ പരാതി നല്‍കി