തിരുവനന്തപുരം: സംസ്ഥാനത്തെ മദ്യശാലകളുടെ പ്രവര്‍ത്തന സമയം നീട്ടാന്‍ സര്‍ക്കാര്‍ തീരുമാനം. രാവിലെ 9 മുതല്‍ വൈകിട്ട് ഏഴു വരെയാക്കാനാണ് തീരുമാനം. ഓണം പ്രമാണിച്ചാണ് സമയം നീട്ടുന്നത്. 

തിരക്ക് വര്‍ദ്ധിക്കുന്ന കണക്കിലെടുത്ത് സമയം നീട്ടാന്‍ ബെവ് കോ ആവശ്യപ്പെട്ടിരുന്നു.നിലവില്‍ 9 മുതല്‍  വൈകിട്ട് അഞ്ചുവരെയാണ് പ്രവര്‍ത്തന സമയം. ബാറുകളിലും ബിവറേജസ്, കണ്‍സ്യൂമര്‍ ഫെഡ് ഔട്ട്‌ലറ്റുകളിലും  ബെവ് ക്യു ആപ്പ് വഴിയാണ് മദ്യം നല്‍കുന്നത്.