കോട്ടയം : അവിഹിത ബന്ധം തുടരുന്നതിനിടെ, കടം വാങ്ങിയ പണം തിരികെ ചോദിച്ച് പിണങ്ങിയ വീട്ടമ്മയോട് കാമുകന്റെ പ്രതികാരം. കാമുകിയായ 46 കാരിയുടെ അശ്ലീലചിത്രങ്ങള് അവരുടെ പെണ്മക്കള്ക്ക് അയച്ചുകൊടുത്തായിരുന്നു കാമുകന് പ്രതികാരം തീര്ത്തത്. സംഭവത്തില് യുവതി നല്കിയ പരാതിയില് കാമുകനെ പൊലീസ് അറസ്റ്റ് ചെയ്തു.
സംഭവത്തില് കൊടുങ്ങൂര് സ്വദേശി ഷമീര് എന്നയാളാണ് അറസ്റ്റിലായത്. മേസ്തിരി പണിക്കാരനായ ഷമീറും, വീട്ടമ്മയായ യുവതിയും തമ്മില് രണ്ടു വര്ഷമായി പ്രണയത്തിലാണ്. വീട്ടമ്മയെ ഇയാള് പല സ്ഥലങ്ങളിലും കൊണ്ടു പോയി പീഡിപ്പിക്കുകയും ദൃശ്യങ്ങള് മൊബൈലില് പകര്ത്തുകയും ചെയ്തിട്ടുണ്ട്.
കഴിഞ്ഞയാഴ്ച വീട്ടമ്മ ഷമീറിന് കടമായി നല്കിയ പണം തിരികെ ചോദിച്ചതോടെ, ഇരുവരും പിണങ്ങി. തുടര്ന്നാണ് താനും യുവതിയും തമ്മിലുള്ള അശ്ലീല ദൃശ്യങ്ങള് യുവതിയുടെ പെണ്മക്കള്ക്ക് അയച്ചു കൊടുത്തത്. ഇതോടെ, യുവതി പോലീസില് പരാതി നല്കുകയായിരുന്നു. ഇയാള്ക്കെതിരേ ബലാത്സംഗത്തിനും സൈബര് നിയമപ്രകാരവും കേസെടുത്തു. ചങ്ങനാശ്ശേരി കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates