തിരുവനന്തപുരം: കണ്ടക്ടര്‍ക്ക് കോവിഡ് 19 സ്ഥിരികരിച്ചതിനാല്‍ ആറ്റിങ്ങള്‍, കണിയാപുരം കെഎസ്ആര്‍ടിസി ഡിപ്പോകള്‍ അടച്ചു. ആറ്റിങ്ങല്‍ ഡിപ്പോയിലെ കണ്ടക്ടര്‍ക്കാണ് കോവിഡ് സ്ഥിരീകരിച്ചത്. നാളെ അണുനശീകരണം നടത്തിയതിന് ശേഷം ബുധനാഴ്ച മുതല്‍ ഡിപ്പോകള്‍ തുറന്നുപ്രവര്‍ത്തിക്കും. ആറ്റിങ്ങല്‍ ഡിപ്പോയിലെ കണ്ടക്ടറായ ഇദ്ദേഹം, ജോലിയുടെ ഭാഗമായി കണിയാപുരം ഡിപ്പോയും സന്ദര്‍ശിച്ചിരുന്നു.

ദേശീയപാത വഴിയുള്ള തിരുവനന്തപുരം ജില്ലയിലെ പ്രധാന കെഎസ്ആര്‍ടിസി ബസ് സ്റ്റാന്റുകളാണ് ഇവ. തിരുവനന്തപുരം നഗരസഭ പരിധിയില്‍ ലോക്ക്ഡൗണ്‍ പ്രഖ്യാപിച്ചിതിനെ തുടര്‍ന്ന തലസ്ഥാനത്തേക്ക് വരുന്ന ദീര്‍ഘദൂര ബസുകള്‍ കണിയാപുരം ഡിപ്പോയിലാണ് സര്‍വീസ് അവസാനിപ്പിക്കുന്നത്.