കോട്ടയം: കനത്ത മഴയിലും കാറ്റത്തും കോട്ടയത്ത് ജനറല്‍ ആശുപത്രിക്ക് മുകളില്‍ മരംവീണു. മൂന്നു പേര്‍ക്ക് പരിക്കേറ്റു. രോഗികളുടെ കൂട്ടിരിപ്പുകാര്‍ക്കാണ് പരിക്കേറ്റത്.

പുരുഷന്മാരുടെ 11ാം വാര്‍ഡിന് മുകളിലേക്കാണ് വാക മരം വീണത്. തലയ്ക്കും കാലിനും കൈക്കും പരിക്കേറ്റ മൂന്നുപേരെ കാഷ്വാലിറ്റിയിലേക്ക് മാറ്റി. ആരുടെയും പരിക്ക് ഗുരുതരമല്ല. മരത്തിന് താഴെ പാര്‍ക്ക് ചെയ്തിരുന്ന വാഹനങ്ങള്‍ തകര്‍ന്നു. ഫയര്‍ഫോഴ്‌സ് എത്തിയാണ് മരം മുറിച്ചുമാറ്റിയത്.